Տեր-Գրիգորյան Բագրատ Ստեփանի

Ծնվել է 1929թ.-ին, Այգեձոր գյուղում, մանկավարժի ընտանիքում։ 1935-ին ընդունվել և սովորել է Այգեձորի միջնակարգ դպրոցում, որն ավարտել է 1946թ-ին։ Նույն թվականին էլ աշխատանքի է անցել Արծվաբերդի միջնակարգ դպրոցում, որպես ուսուցիչ։

Մեկ տարի անց ընդունվել է Խ .Աբովյանի անվան մանկավարժական ինստիտուտի քիմիաբնագիտական ֆակուլտետը։ 1951թ. -ին մանկավարժի որակավորմամբ գործուղվել է աշխատանքի հայրենի շրջան. աշխատել է սկզբում Արծվաբերդի, ապա հայրենի գյուղի դպրոցի քիմիայի ուսուցիչ։

1962-ին տեղափոխվել է Երևան, զբաղվել գիտահետազոտական աշխատանքներով, սկզբում Երևանի լեռնամետալուրգիայի գիտահետազոտական ինստիտուտում, ապա ԵԼՄԳՀ ինստիտուտի լեռնամետալուրգիայի բաժնում, որպես սեկտորի վարիչ։ 1969-1975թթ. եղել է նույն ինստիտուտի գիտական խորհրդի անդամ։

1975-ին պաշտպանել է թեկնածուական ատենախոսություն և ստացել տեխնիկական գիտությունների թեկնածուի գիտական աստիճան։ Հեղինակ է 20 գիտական աշխատությունների։

1975-ին նշանակվել է Երևանի Աշխատանքային կարմիր դրոշի շքանակիր քիմիական տեխնիկումի տնօրեն։ Նրա ղեկավարությամբ Հայաստանի քիմիական արդյունաբերությունը համալրվել է տասնյակ բարձրորակ մասնագետներով, կրթօջախը համընդհանուր ճանաչման է արժանացել և դասվել հանրապետության լավագույն ուսումնական հաստատությունների շարքը։

Բագրատ հորեղբայրը շատ էր սիրում մեր ացգը, ուրախանում էր երբ որ տղա երեխա էր ծնվում մեր ազգում։

Չեր սիրում տգետ և թույլ մարդկանց։

Սիրում էր հայրենի գյուղը, բնությունը, զենք էր սիրում, և իհարկե սիրում էր վորսի գնալ մեր չքնաղ անտառներում։

Ամուսնացել է Ելենա Արշակի Շատվերյանի հետ, ունեն երկու որդի մեկ դուստր (Ստեփան, Աշոտ, Անահիտ)։

Մահացել է 2007թ.-ի մարտի 29-ին 

Ելենա Արշակի Շատվերյան (Տեր-Գրիգորյան)

Ծնվել է 1930թ. Տբիլիսի քաղաքի Հավլաբար թաղամասում:

Ավարտել է տեղի միջնակարգ դպրոցը ոսկե մեդալով: Նույն տարում առանց քննությունների ընդունվել է Երևանի բժշկական ինստիտուտը, որն էլ 1955 թվին ավարտել է կարմիր դիպլոմով:

Նույն թվին ուղարկվել է (իր ցանկությամբ) Շամշադինի շրջանի Ղրղի գյուղ որպես բժշկուհի, այնտեղ էլ հանդիպում է իր ապագա ամուսնուն և տեղափոխվում է Այգեձոր գյուղ և մինչև 1967թ. աշխատում է որպես գլխավոր բժիշկ:

1967թ. մինչև 2014 թիվը եղել է Երևանի քաղաքային առողջապահության բաժնի վարիչ:

2015թ. տեղափոխվել է Մոսկվա քաղաք տղաների մոտ: 2019 թվականին քաղցկեղ հիվանդություն հայտնաբերեցին, որն արդեն տարածվել էր մի քանի օրգանների վրա: 8 ամիս անկողնային պարկելուց հետո 2019 թ. դեկտեմբերի 19-ին տիկին Լենան մահացավ: Երկու ամսից պիտի լրանար 90-ամյակը:

Հողարկավորված է ամուսնու մոտ, Այգեձոր գյուղում, որտեղ մինչև հիմա մեծ սիրով և հարգանքով են հիշում իրենց բժշկուհուն։