Ահա և 2020 թվականը գնում է պատմության խորքը ։!!
Տարին ծանր էր, կործանարար, ողբերգական ու հարուստ տարբեր տեսակի իրադարձություններով ։

Տարին, որը միլիոնավոր կյանքեր է խլել Կովիդի պատճառով, եւ մենք բացառություն չենք եղել, մեր ցեղից մահացել են երկուսը (!).
Նույն թվականին մեր պատմական թշնամիները, միավորվելով հարձակվեցին մեր հողերի վրա, ինչի արդյունքում ունենք մի քանի հազար սպանված կամ անհայտ կորած։ ..
2020-2025թթ. մեր տոհմը նշում է Այգեձոր գյուղում գտնվելու և բնակվելու 300-ամյակը:

Վերջին մի քանի տարիների ընթացքում մենք կահավորում ենք մեր տոհմական բույնը, և տարեցտարի այս վայրը , համատեղ ջանքերի շնորհիվ, դառնում է Այգեձորի բնակիչների և մեր գյուղի հյուրերի համար սիրված և այցելվող վայրերից մեկը:
Ստեղծվել է մեր ընդհանուր կայքը (Savrunc.com ) հայերեն եւ ռուսերեն լեզվով, որտեղ մեր մասին գրված է ավելի քան 350 տարվա պատմություն:

Նաեւ ստեղծել են WhatsApp եւ telegram, որտեղ շփվում ենք եւ կարող ենք քննարկել տարբեր թեմաներ, եւ ամենակարեւորը ՝ ստեղծվել է համանուն բարեգործական հիմնադրամ ՝ հայրենիքից դուրս ապրող մեր ցեղի յուրաքանչյուր անդամի ամենամսյա մասնակցությամբ: Այս հիմնադրամի շնորհիվ անդադար շինարարական աշխատանքներ են տարվում Մեր Աղբյուրում, և առաջին անգամ մեր տոհմը պատերազմի ժամանակ , մեր բանակին օգնելու համար հատկացրել է դրամական օգնություն ՝ որպես միասնական կազմակերպված տոհմ ( Գերդաստան) ։